За ликовната критика

Ликовната критика е посебен вид интелектуална активност која го прати развојот на современата ликовна уметност. Постојат повече видови ликовна критика како што се: академска критика, критика на чиста визуелна, социолошка,импресионистичка,модерна и друг вид ликовна критика во зависност од одредени општествени, просторни и временски фактори, кои придонесуваат за потполно разбирање на ликовните дела и донесување позитивен или негативен суд за истите. Прифаќњето или отфрлањето на ликовната критика е постојана борба меѓу теоретичарот и активниот творец и се смета дека историчар на уметноста кој активно не се занимава со уметничко творење не може да донесува оценка за уметничко дело, бидејки тоа што се создава за иднината во себе содржи елементи на уметничка имагинација и креативни постапки од перцептивни,мисловни,ликовно-естетски, емотивни,техничко-технолошки и други соодноси кои најдобро ги открива теоретичарот- творец и практичар,кој во себе носи бравурозен ликовен јазик и стил на искажување и пишување.Ова укажува дека постои и поинакво мислење па се што ќе се објави и не значи дека е критика, бидејки има разни ликовни есеи, манипулации и клановски игри, за кои се одговорни оние кои ги создаваат и оние што ги прифаќаат. Наспроти нив постои конструктивна и творечка критика која визуелните и ликовните форми ги подразбира во функција на содржината ,како што е и содржината во функција на формата, но во интегрална проценка го издвојува лошото од доброто, ја истражува идејно-уметничката свест на творецот, преку неговото дело. Во овој момент ваквата ликовна критика кај нас ни недостасува, како реалност, која со своите конструктивни елементи на мислење ќе ги утврди сегашните ликовно-естетски вредности,како повеќеслојна метафора која ќе го поттикнува,обновува и продлабочува ликовното творештво.

Отворање на изложбата Славјански

Како дел од неделава започнатиот Саем на електронски уметности „Сифер“, што се одржува на тема „Апаратот на животот и смртта“, денеска и утре во Музејот на современата уметност во 17 часот ќе се одржува конференција посветена на биополитичкиот спектрум денес и на биотехнолошката уметност и култура.

Со свои трудови денеска учествуваат уметниците и кураторите: Зоран Тодоровиќ (Србија), Пјер Луиџи Капучи (Италија), Станимир Панајотов (Бугарија, Михалис Пишлер (Австрија), Славчо Димитров, (Македонија), Дениза Кера (Skype предавање) (Чешка), а е предвидена и видео проекција на филмот на Оливер Реслер „Конструкција на комуна“

Утре е најавено учество на: Полона Тратник и Ајда Мариќ (Словенија), Рој Аскот (Skype предавање) (Велика Британија), проф. др. Сашо Панов (Македонија), Ники Сперу (Австралија), Борјана Роса (Бугарија), Петко Доурмана (Бугарија) и на Мелентие Пандиловски (Македонија).

Организатор на ова, седмо по ред обновено издание на „Сифер“ е Центарот за визуелни и културни истражувања при Институтот за општествени и хуманистички истражувања „Евро-Балкан“, а во негови рамки е и отворената интернационална изложба во Музејот на современа уметност и работилницата за биотехнологија која се одржува на Природно-математичкиот факултет. (К.Б.)

превземено од утрински весник http://www.utrinski.com.mk/?ItemID=AA16A44FC5DB8B41968C2E24BB4E91FF